اجمل قصايد الشاعر ياسر بن محمد التويجري

السلام عليكم


.::: عطني زقارة كنت والأديفيدوف :::. --------------------------------------------------------------------------------

عطنـي زقـارة كنـت وألا ديفيـدوف
أبشـرب الـدخـان وأنــا مـطـوع
وأحذف على بكاسيت جورج وأسـوف
وألا أن حصل عطنـي شريـط منـوع
به اذبحيني ياغرامـي وأنـا أشـوف
وألا أمهليـنـي يـاقـراح المـلـوع
أبهدم البيت المشيـد علـى الطـوف.
وابـردم العـز الـقـذوع المـجـوع
دام الزمن هـذا زمانـك يابـو نـوف
موتـي ولا عيشـة حيـاة المـجـوع
لأصرت ما أرحب لي جونـي ضيـوف
وش عاد لأقالوا عـن الـدرب كـوع
لو أنهـا بخيـول وقلـوب وسيـوف
كـم واحـد مـن طاشـر الـدم زوع
ربعي بني وايـل مـن الحـد للجـوف
مافيهـم اللـي لأظلـم الليـل خــوع
راعي مطاياهم مـع النـاس معـروف
لاهـاش عـن زمـل المعازيـب روع
من صاح نايف ضلع الإرهـاب منبـوذ
اصغـر وراعيـن الجبـارة تـطـوع
أقولها افف,, وأنا ادري الوقت مكشوف
أمــا تخـروعـوا وألا مـخــروع
ياسيـدي يابـو قلايـد ونـف نـوف
يالذة الثلـج البـرد الـزلال الممـوع
عقب الظماء من شرهه الضيم والخوف
أفقـدك رايـع وارجـع ألقـاك أروع
ذبحتني مشغـول أو عنـدك أظـروف
أبك أنـت ماترحـم حيـاه المصـروع
لأصرت مارحب لي جونـي أضيـوف
وأجوع منـك ومـن زمانـي مجـوع
عطني زقارة مـوت ماهـي ديفيـدوف
ابنتحـر ذا الحيـن وأنــا مـطـوع================================================== =
::. يا معذبتني ليه هذا الجفـــــــا ليــــــــه .::


--------------------------------------------------------------------------------

يامعذبتنـي ليـه ..هـذا الجفـا ليـه
يامعذبتنـي ليـه هـذا الجفـا ليـه ..
وأنتي تضمين الثـرى مـن ضلالـي
وش ذا الغـرور الله يحمـد تواليـه..
ومن وين جاء لـك هالكبـر والتعالـي
تعـالـي دام كـــلً بمـاضـيـة..
الحـب ماهـو بـس حقـي لحـالـي
لا تذبحينـي بالعتـب والمشـاريـه..
والله مابيـدي ســوا رأس مـالـي
معزتـك وألقـا القصيـد وطـواريـة
والضيـف لاجـا والحطـب والدلالـي
وعن حلفي اللي قلـت طيـر يعشيـه
كفـه أليـا بـرده علـيـه الليـالـي
يعنى ثلاث أشيـاء أملـك مـن التيـه
لسانـي وقلبـي وطنـخـه عقـالـي
أدعيك في كل مـن يسمونـك ياهيـه
يم الحسـن وعـز التـرف والدلالـي
عودي لقلـبً صـار ماعـاد يمديـة
يرقـع الـلـي راح يـاهـم لآلــي
وإذا أن قلبـك وده أنـي أنـا أدعيـه
بأسلـوب أفضـل يرتقـى للمعـالـي
يمكـن أحـاول أتحـضـر وأنـاديـه
وأقـول لــه إذا تحـسـن مقـالـي
يا جمـرة الوجـد المسمـى وطاريـة
وياعقد مـن حجـار البحـر واللآلـئ
أليا ظهر بـدرك مـع الليـل أسريـة
واليـا أختفـاء ماعـاد لـك بـدالـي
يساورك الحب الطبيعـي وأنـا اجيـه
وأرقى على جبال الغـلا فـي خيالـي
أفارقك فـي ليـه وألقـاك فـي ليـه
وأحياناً أحسـك منـت داخـل مجالـي
أحياناً أحسك شئ وأثري الليل طاويـة
وأقاتلـك والـقـا حـلالـك كـلامـي
أكتـم خيالـك وأتحـسـف وابكـيـه
وأرثيك وأنتي اقرب من عيوني إقبالي
وأزعل وأخونك واذبح القلـب وابكيـه
وازعـل علـى نفسـي وأدور بدالـي
متـضـاربً بـيـن الغلاوالمتايـيـه
متضايق وأحس أن الزمن ماصفى لـي
وإذا تركتينـي بقـول اللـي أبغـيـه
بقـولـك انــك سبـايـب هبـالـي
خلـي فــؤادك لا يكـثـر تغلـيـة
أسرعي أنقذيني قبـل شـد الرحالـي
الخاطـر اللـي ماتـوسـع مـذاريـه
مغـرور متحمـل عـل كـل حـالـي
لا تحسبـيـن ملعـوبـي اغـبـيـه
طبعي جنوبـي بـس أصلـى شمالـي
طرح الكريـم اللـي مسـاع مذاريـه
مـا ينتـهـض الايشـيـل الثقـالـي
عن عرض و رأس ماله شوارب تواليه
ألـيـا غـابـت تــدق الجـبـالـي
وأنا مـن الصلـف الصناديـد ياهيـه
عـمـام والا انجـذبـت لـخـوالـي
أبسـط ندئاتـي أليـا قالـوا البـيـه
وأصغـر ألقابـي طويـل السبـالـي
مغرور فعـلاً وأعتـرف لـك ومافيـه
عيبـاً أفتخـر وأفتخـر فـي فعالـي
ولـو قلتلـك ياهيـه ردي بـلبـيـه
ولو طـال بالـك شـر بيطـول بالـي
كـذا بنحـل المشكلـة والمشـاريـة
وأقـول انــك تـراديـن الـزلالـى===============================================
.::حنا هل الفزعات والطيب والكــار :::.
--------------------------------------------------------------------------------

حنا هل الفزعات والطيـب والكـار
تواجـر يشهـد لنـا كـل رجــال
يشهد لنا فـي طيبنـا طرقيـاً مـار
نكرم ضيوف الله وهو ضيف رحـال
ويشهد بعد من يسكن بجنبنـا جـار
تقديرنا دلـه علـى طيـب الأفعـال
ما هي غصيبة تاخذ النـاس مقـدار
بفعالهـا تاخـذ ولا هيـب مقيـال
أولاد وايـل نعـرف بدمنـا الحـار
نقفي عن القايـل ولا نتبـع القـال
حنا خمـاد النـار لا شبـت النـار
أما دواهـا أخمـاد وإلا بالإشعـال
حمولتي ما حد رتبي على أضـرار
أبداً ولا جانـي تشاكيـل واشكـال
واليوم شوف العين مشقوق الأستار
بنتٍ ذراهـا ثـور ماهـوب رجـال
زمر لها المزمار ورزح لها الطـار
عرض الملابس شغلها ثوب وأبدال
خبيثتـاً مدحـورةٍ بنـت طــرار
ملعونـةٍ منبـوذةٍ كومـة زبــال
يفرح بها من هو تباشـر بالأخبـار
حقدٍ على رجال التواجـر الأبطـال
مير إيخسى ما هي من مهار الاحرار
نسل النور تعرف من الوجه الانذال
واللي يقول الحق مـا ظنتـي بـار
وراع الخطى تاطى على راسه نعال
ياللي تشوف العيب والعيب بالـدار
كبر الخطى شايل من العيب مثقـال
مجلةً يـوم اوشكـت حـول تنهـار
حطو خبر عنها على شـان تنشـال
وأن كانها تمحي تواريـخ الأخيـار
يا لعنبو من هو خذا صيـت بريـال
تاريخنا اصفى مـن ميـاه الأنهـار
واصفى من الماء لا تحدر على جال
تاريخنا مشـرق مسـرات وانـوار
ما نمدحه لا شـك يذكـر للأجيـال
ردينـا لا جيـت مـن بـعـد زوار
ذبحلـك الحايـل وقهـواك بـدلال
جزيـرة كـلـه قبـائـل وأمــار
وحنـا لنـا عـزٍ وبيـتٍ ومنـزال
منزالنـا فـوق الشواهيـق شهـار
ما ينزل بسلـمٍ ولا ضـاق بقتـال
واللي ترك بيته على شان الأشـرار
يرجـع وبيتـه للرياجيـل مدهـال
واللي فرح في هند سـرٍ أو إجهـار
عساه يذرف له من الدمـع همـال
عسـاه بالدنيـا يغربـل ويحـتـار
ماله صديـق وجالـسٍ دوم بالحـال
أمراض في جسمه عطيبات وكثـار
الصبح في حالٍ وبالليـل فـي حـال
اليا هرج دمعه على الخـد مـدرار
واليا سكت هوجس ودمعه بعد سـال
هذا جزاء من هو تحرش بالأبـرار
من حر ما يوجس يكـذب ويحتـال
الشر ما ياقف إلى شاع ثـم سـار
لكـن يجيلـه يـوم ينحـد لجبـال
إن كان أنا شاطر به ألفيـن شطـار
وإن كان أنا أخطيت فالحـق ينقـال
ردة فعل تنظم حروفـي والأشعـار
حقي ولا خفتـا مشاكيـل وانـزال================================================== =
:::. ملوك الأرض .:::

--------------------------------------------------------------------------------

حاضر بحاضر واللغـة والقوانيـن
بشروطها ماهيـب تمشـي عليـا
قطف الخزامى والنفل والرياحيـن
فيك انت يا مشعل شويـه شويـه
عليك اترجم معجم الروس والصين
لين اختـرع لـك قنبلـة نوويـه
أنا حصـاة(ن) فررتهـا البراكيـن
وأراد ربـك ليـن طاحـت هنيـا
إما احتملني يـا مـلاذ المساكيـن
وإلا إعتبرهـا جلسـة(ن) حنبليـه
سلام يا عز الأقاصـي و الأدنيـن
يابو اليتامـى يـا زبـون الونيـه
يا النادر اللـي زهلـوك المياميـن
على الشـرف وقيـادة الشاذليـه
ملوك الأرض مخزميـن المعاديـن
يوم إنهـا بالسيـف و العنجهيـه
جوهاعلى ظهورالصفر والبعاريـن
اللـي عليهـم تاقـف الوايلـيـه
عبدالعزيزاللـي يديـر الميـاديـن
في حكمة(ن) وسياسة(ن) عبقريـه
ما راح يدرسهـا بلنـدن وبرليـن
ولا درس فـي مدرسـه جامعيـه
درس على شرب الكدر بالفناجيـن
و ضرب العلابي بالسيوف القويـه
هامات نجد من اول الوقت والحين
حنا لهـم و ان ثـارت الطايفيـه
ضرب الفشق بمقبلات المخازيـن
وحفظ الظعن والهوش دون البنيـه
لا شيطنوا حنا سعـوط الشياطيـن
قد قالها اللـي مـا يخلـي خويـه
لا شرع غير كتاب رب المصليـن
ولا فيه سنـة غيـر سنـة نبيـه
جيولوجيا الذرة وعلـم الموازيـن
والفلسفـه والرطنـه الفارسـيـه
ومولفات بلير و إسحـاق رابيـن
وسقـراط و اَدينـوس والراهبيـه
تفنى ويبقـى وجـه رب الثقليـن
مدبـر الأرزاق جــزل العطـيـه
والملك للـي يخدمـون الحرميـن
عقب الامام اهل الخشوم العصيـه
ملاذنـا لا جـا شريـد النهاريـن
اللي عجاجـه يدفـن (الفيصليـه)
عطواعطوا لين اغرقوا واسع العين
اللـي نكـر وقفاتـنـا الأولـيـه
الشام كله مع ضواحـي فلسطيـن
إلى العـراق وشاطـي اسكندريـه
إن ما اعترف بالحق واقر فاَميـن
تهـوي عليـه النجمـه النيزكيـه
وتاريخنا ماهـوب قبـل 4 سنيـن
بالديجيتـال وافلامـه المصنعـيـه
حنا على روس اللقـا بالنقيضيـن
بدروعنـا و سيوفنـا الصيرميـه
وفتح الرياض وما ذكرنا من شوين
مـع درب وفيـضـة العامـريـه
وتوحـيـدهـا فـــي عـــام
51من اليمـن للدولـه الهاشميـه
والملك للـي يخدمـون الحرميـن
عقب الامام اهل الخشوم العصيـه
عبدالله وسلطان يا اميـر عينيـن
عينين في راس الشرف والحميـه
في ظلهم نقطـف ورود البساتيـن
وعلى الطوايل نجـذب السامريـه
الواصليـن الفاصليـن التقيـيـن
ساطيـن لكـن عفوهـم مقدريـه
اما انت يامشعل على العقل والدين
والهيبه اللـي تقطـع ام المطيـه
حتى الجمال اللي لحاهن ذراعيـن
من صفي حجانـك تقـرب سويـه
اعرفك زين و كل عرفي لك الزين
انـك بتـرت الناقصـه و الرديـه================================================== ==
يابو(..فيصل..) لاتكثرها على القلب الصويب
خوتك تـاج علـى الـرأس الرفيـع مقـدرة
طردة المقفيين عيب وتركه الغالييـن عيـب
وأنت غالي جيت لمي عـز وعتـاب وشـره
مالك الا طلقه الحجـان والصـدر الرحيـب
وأنت عطني من بياضك شئ غيـر المعـذرة
المهلهـل لـو بغـى بالغـدر ماخـلا كليـب
وأنـا والله مثـل سالـم ماتركتـك مسخـرة
مير تدري ازهـم الراعـي وكثـر بالحليـب
خلنـا ندهـن سـواد القلـب وألا نـدمـرة
خلفتـاً ماهيـب ملحـا لاتهمـك يالصحيـب
الحـلا لـو قصـرت بـه الجزالـة تجبـره
أشرب أشرب وأنـا فعـل الكآبـة والكئيـب
والله أن تأخذ علومـي جـل ماهـي منكـرة
الظروف اللي حدتنـي للمبـدا شـق جيـب
قسمتاً تمطر على قلبـي هجـوس وتغمـرة
أتذكر بـاذر الريضـان وقشـوع الشعيـب
والحيا ومداعبـات الديـم ولا ضـم زهـرة
والديار اللي شمـال عنـك الرجـل اللبيـب
نفد وألا خضب وألا سيح وأن كـان وعـرة
أتذكر مشيتـي فيهـا وأنـا مانـي غريـب
حافظاً كـل المعالـم مـن حصـاة وشجـرة
مع رجال يرادون العـزم مـن جـم القليـب
لاغدا بالجـو مـن خيـر المحاديـن غبـرة
زينها والعلم جانا من حمـود ومـن هديـب
والحبـارى فالمـذاري بالطيـور مخـمـرة
ومعك زودً يالسنافي عن فلاح وعـن ربيـب
أشقـر ماهـوب شامـي لا ولا مـن انقـرة
فرخ ماجلـب علـى الصفـاة الهـم قليـب
نقوتي وأنا انتقيتـه بيـن خمسـة وعشـرة
وافياً وقياس طولـه منـه لعروضـه قريـب
وأن قفيته كـن لونـة مثـل لـون الحمـرة
صافياً لو كان مابـه كبـر حبـات ال***ـب
دقتيـن فـي غواطيهـا لـو أخـر بظهـره
يعني من اللون معجب او نقول انـه عجيـب
تنبهـر لا شفـت قفـوة وتحيـر بنـحـرة
كن ضربات السهوم اللي بصدرة مسح شيب
ساطيات بأخـر العشريـن فـي قذلـة مـرة
أقحباً وراسة مسطح مثـل رأس ام الجنيـب
وأن عطاك الجنب ماله غير مـدور منخـرة
لاخذا عنه اللقوف اللـي يـدور فيـه عيـب
كنه اللي شـاف وجهـه يالسنافـي يقمـرة
كاشفاً كنه قطاعـه الحليـب مـن الرويـب
وكن عينه مع بياض الخـد فتحـه مسكـرة
..عاتقـه الله واكبـر ياعليـم ويـا رقيـب
أطول من الشبر واقصر قفلتين مـن الـذرة
لانطحتـه بزوطيـاً تـو ماعـلـق نقـيـب
أمتلهـف مـن كميلـة كنـه تحـك شعـرة
وأن قفيتـه يابو(فيصل)كنـه قفايـه طبيـب
عقب حاول بالمريض وعجز عنـه وخسـرة
محدبـلـه لامـديــون ولا مستـصـيـب
شــارة للسـبـق وشـــئ تـخـبـرة
أتذكر قبل مـدة عـن أبـو عـادل شبيـب
يوم طيرة صلف تذكـر قبـل يفعـل نحقـرة
ويوم هدة وش تبين ؟؟غير صفق مع وحيب
أنشلع كتله مـن القرطـاس والعـج دفـرة
ويوم حول والله أنه مجـرم طاغـي وريـب
كنه هوايـه مظلـي عقـب خانـه منشـرة
ويوم جينا الطيرق اللي وش لقينا به يصيـب
غير طوله الجنـاح و زور وحـداب ظهـرة
والله أني ماطمعت بغيـر ذولـي يالصحيـب
غيـر هجـر لانقلتـه كـن كفـه مجحـرة
مسبل ريشة عليـه تقـل مجدولـة سبيـب
والا ثوبة للكويـت اللـي تحـب الفشخـرة
قاطـعً مافيـه شـئ مايستطيعـك تستجيـب
والله انه في الحلالـة خيـر شـئ تسكـرة
شوفته وهو يتفـلا بالخـلا عنـد الجويـب
فالمضحـى صيـدة أربـع عـدال مصطـرة
الله اكـبـر يـأهـل الاربــاح والكـسـب
الرهيب راعي المليار والا فووق ماجبت خبرة
والوكاد أني مـن الويـلان مرديـاً مصيـب
والريال اللـي يجينـي مـا أحشمـة أقهـرة
أدفعـه بدنـاه شـئ مـن دون تحسـيـب
والله الـرزاق والا النـاس ماهيـب ثمـرة
القصيدة خلصـت ياصااحبـي والعـد غيـب
والنشر ما أحب اغسـل قصيـدي وأنشـرة
لاتـركـت تنـعـرض فيـديـو كـلـيـب
كيف أبطلع فـي قنـاه كـل أبوهـا مبـزرة
رقص وأغاني مجون وفسق والمضمون خيب
ومن نصر ربي ترا ربـي رحـوم ينصـره
أسـئـل الله الـواحـد الـفـرد المجـيـب

مشكور اخوي على االقصايد الحلوه